Alfaaz-e-Dard

[Cyphor]

kitani yaad karte hain ham aapki
kaash aapko bhii yeh ehsaas ho jaaye
kahin aisaa na ho aap tab hosh mein aayein
jab ham hameshaa keliye khaamosh ho jaayein..

[megri]

Nice one for whom it is

[Cyphor]

For me, I guess, as one my girlfriends sent it to me on my mobile this morning :p

[Cyphor]

raah aasaan ho gaii hogii
jaan pahachaan ho gaii hogii

phir palaT kar nigaah nahiin aaii
tujh pe qurabaan ho gaii hogii

terii zulfon ko chheDatii thii sabaa
Khud pareshaan ho gaii hogii

Shaayar: Sifuddin Saif



sabaa = breeze

[Cyphor]

ret par likh ke meraa naam miTaayaa na karo


aankhein sach bolatii hain pyaar chupaayaa na karo


log har baat kaa afsaana banaa lete hain

sab ko haalaat kii rudaad sunaayaa na karo

[rudaad = story]

ye zaruurii nahiin har shaKhs masiihaa hii ho

pyaar ke zaKhm amaanat hain dikhaayaa na karo




Shaayar: Mohsin Naqvi

[Cyphor]

sach ye hai bekaar hamein Gam hotaa hai
jo chaahaa thaa duniyaa mein kam hotaa hai

Gairon ko kab furasat hai dukh dene kii
jab hotaa hai koii ham-dam hotaa hai

zaKhm to ham ne in aaNkhon se dekhe hain
logon se sunate hain maraham hotaa hai

zahan kii shaaKhon par ashaar aa jaate hain
jab terii yaadon kaa mausam hotaa hai

ashaar = plural of 'sher' [a couplet]

Shaayar: Javed Akhtar

[Cyphor]

dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

tere milane aur phir tere bichhaD jaane ke biich
faasalaa rusvaaii kaa hai kam zaraa aahistaa chal

apane dil hii mein nahiin hai us kii maharuumii kii yaad
us kii aankhon mein bhii hai shabanam zaraa aahistaa chal

maharuumii = wanting

koii bhii ho ham-safar 'Raashid' na ho Khush is qadar
ab ke logon mein vafaa hai kam zaraa aahistaa chal

[Cyphor]

Mujh ko ik hamdam mila tha ik safar ki raat mein
Main bohat beKhud huaa tha ik safar ki raat mein


Woh ke jis se umr bhar ki duuriyaan mansuub hain
Mere siine se lagaa tha ik safar ki raat mein

Har taraf phaile hue the yaad-e-Gam ke silsile
Kitnaa mushkil raasta tha ik safar ki raat mein

ghar se baahar paaon rakhte hi Laraz uTh-ta hai Dil
Haadsa aisaa huaa tha ik safar ki raat mein

Aaj bhi Gungunaataa huun use tanhaai mein
Giit jo hamney sunaa tha ik safar ki raat mein

[Cyphor]

Dosti karo collegewaali se
Pyaar karo officewaali se
Program karo padoswaali se
Aankh ladaao saali se
Love karo dilwaali se
Aur.. errr.. maar khao gharwali se :cool:

[Varun1]

Wahh Wahh
Wahh Wahh
For Last